પ્રતિબંધ મુકો...

પ્રતિબંધ મુકો
જાત પર ને નાત પર
નેતાઓની બકવાસ પર
પ્રતિબંધ મુકો
એક દિવસની ભૂખ પર
અંબાણીના સુખ પર
અમીરોના રસુખ પર
ગરીબોના દુઃખ પર
મહિલાઓના મનદુઃખ પર
પ્રતિબંધ મુકો
લુખ્ખાઓની લૂંટ પર
અમીરો માટે કાયદાની છૂટ પર
બાવાઓની ભભૂત પર
પ્રતિબંધ મુકો
કાળા નાણાના વપરાશ પર
નાવરાઓની નવરાશ પર
પ્રતિબંધ મુકો
બાળપણ હોમતી મજૂરી પર
કુરિવાજોથી દબાયેલી જવાની પર
બુઢાપાની લાચારી પર
પ્રતિબંધ મુકો
મહિલાની ચરિત્રની કસોટી પર
પુરુષોની મર્દાનગી પર
નેતાઓની નજર પર
અધિકારીઓની સત્તા પર
તીન પત્તી ને પત્તાં પર
પ્રતિબંધ મુકો
ભેળસેલિયા ખોરાક પર
ધુમાડા ઉડાડતા એકમો પર
ચવાઈ ગયેલી કહેવતો પર
પ્રતિબંધ મુકો
જ્ઞાતિના વર્ચસ્વની વાતો પર
એકતા તોડતી લાતો પર
ગુરુ શિષ્યની પરમ્પરા પર
વ્યક્તિને પૂજવવાની પ્રથા પર
પ્રતિબંધ મુકો