જેઓ ભડકીલા કપડા, પહેરીને મેરીઝુઆનાનું સેવન કરીને મ્યુઝીકની રમઝટ બોલાવતાં
દિન-પ્રતિદિન સમાજ, ઇજ્જત અને આબરુના નામે કતલ થતા યુગલોને શું તેમના અધિકારો નથી. શું તેમને તેમના મનપસંદ પ્રિય પાત્ર સાથે લગ્ન કરવાની છુટ નથી. આઝાદીના આટલા વર્ષો બાદ પણ જીવનસાથીની પસંદગી માટે મા-બાપ સમાજ નક્કી કરે તે જ કરવું. આ બધાં સવાલોનો જવાબ કયાંથી મળશે ત્યારે વાત આવે છે કે, જાત, પાત,ગોત્ર કે સમાજના નામે પ્રેમીઓને મોતને ઘાટ ઉતારતો સમાજ માણસને મુક્ત અધિકારો આપવા તૈયાર કેમ થતો નથી.
ઇતિહાસ એવું કહે છે કે, જ્યારે - જ્યારે જે વાતોને જબરદસ્તી લાગૂ કરાય છે ત્યારે ત્યારે તેની સામે બળવો જરુર થાય છે.
અમેરિકા અને અન્ય પશ્ચિમના દેશોમાં 60ના દાયકામાં યુવાનોએ હિપ્પી ચળવળ શરુ કરી હતી. બોલીવુડની હિંદી ફિલ્મોમાં દર્શાવેલા દમ મારતા અને મેરિઝુઆનાનો નશો કરતો યુવાનો અને મુક્ત સેક્સની વાતો કરનારાઓને હિપ્પી કહેવાયા પણ હિપ્પી ચલવળના ખરાબ પાસા વિશે તમે જાણ્યું પણ સારા પાસા વિશે પણ જાણો..
60ના દશકામાં અમેરિકામાં શરુ થયેલું હિપ્પી આંદોલન ધીરે-ધીરે વિશ્વમાં ફેલાયું. હિપ્પી શબ્દની ઉત્પતિ હિબ્સ્ટર નામના શબ્દ પરથી થઇ હિબ્સ્ટર એટલે પરંપરા અને માન્યતાઓના વિરોધ કરનાર.
આ હિપ્પી આંદોલનની શરુઆતમાં જ આ પ્રકારની માનસિકતા ધરાવતાં યુવાનોને હિપ્પી તરીકે ઓળખાતા. જેઓ મુખ્ય શહેરોથી દુર ગામોમાં વસતા, એલસીડી, મેરિજુઆના સહીતના નશા કરતાં. અમેરિકા સહીત દેશોનો ભદ્ર સમાજ આ પ્રકારની માનસિકતા ધરાવતાં યુવાનોને નકારતો હતો
પણ હવે ખરેખરી વાત આવે છે કે, હિપ્પી આંદોલન ઉભુ કરવાની વાતો કેમ શરુ થઇ તેની પાછળના કારણો શુ હતા, શા માટે યુવાનો ઘર છોડીને ગામોમાં રહેવા જતા અને નશો કરતાં, મુક્ત સેક્સમાં માનતા અને મનફાવે તેવું વર્તન કરતાં.... તો અંગેઇન વાત આવીને ત્યાંજ ઉભી રહે છે કે દુનિયાના સૌથી વધુ વિકસીત ગણાતા દેશ અમેરિકામાં પણ પરંપરાઓના નામે યુવાનોને દબાવવામાં આવતા તેમની તો કોઇ સ્વતંત્રતા જ ન હતી. સમાજ સામે બંડ પોકારનાર યુવાનોની લડત વાસ્તવમાં સમાજે અધિકારો મારેલી તરાપ પર હતી અને તેની પ્રતિક્રિયાના ભાગ રુપે જે રિએક્શ આવ્યા તે હિપ્પી ચળવળ તરીકે ઓળખાયા
પણ આજે અમેરિકા સહીતના દેશોમાં જે મુક્ત વિચારો અને વ્યકિત સ્વાતંત્રતાને તમે હોલિવુડની ફિલ્મોમાં નિહાળો છો કે, એક બહેન પોતાના પિતા-ભાઇ કે સમાજ સામે મુક્તપણે પોતાની મરજીના પાત્ર સાથે ડેટ પર જાય , તેને પસંદ હોય તે પાત્રની સાથે લગ્ન કરે અને માનવીની વ્યક્તિગત બાબતોમાં દરેક માણસને મળેલી સ્વતંત્રતા ક્યાંકને ક્યાંક અએ હિપ્પીઓની જ દેન છે કે જેઓ ભડકીલા કપડા, પહેરીને મેરીઝુઆનાનું સેવન કરીને મ્યુઝીકની રમઝટ બોલાવતાં હતા..
હવે હિપ્પીઓના આંદોલને વ્યકિતગત સ્વાતંત્રતા પ્રત્યે દુનિયા આખીનું ધ્યાન ખેંચ્યું ત્યારે હવે આ દેશમાં પણ વ્યક્તિગત સ્વતંત્રતા માટે હિપ્પી જેવા આંદોલનની જરુરિયાત છે કેમ કે, પાર્કમાં જ્યારે પોતાની પ્રેમિકાને લઇને બેઠા-બેઠા મીઠી વાતો કરતાં હોવ ત્યારે ધર્મના નામે તાયફો કરનારાઓ આવીને તમારી ઇજ્જત ન કાઢે, તમે પણ તમારી મરજીના પાત્રને પસંદ કરી શકો, તમે પણ તમારો મત સમાજ આગલ મુકી શકો.......................
